Saptamaṃ kośasthānam
Technical Details
saptamaṃ kośasthānam
namo buddhāya||
nāmalā kṣāntayo jñānaṃ kṣayānutpādadhīrna dak|
tadanyobhayathāryā dhīḥ anyā jñānaṃ dṛśaśca ṣaṭ||1||
sāsravānāsravaṃ jñānaṃ ādyaṃ saṃvṛtijñāpakam|
anāsravaṃ dvidhā dharmajñānamanvayameva ca||2||
sāṃvṛtaṃ sarvaviṣayaṃ kāmaduḥkhādigocaram|
dharmākhyam anvayajñānaṃ tūrdhvaduḥkhādigocaram||3||
te eva satyabhedena catvāri ete caturvidhe|
anutpādakṣayajñāne te punaḥ prathamodite||4||
duḥkhahetvanvayajñāne caturbhyaḥ paracittavit|
bhūmyakṣapudgalotkrāntaṃ naṣṭājātaṃ na vetti tat||5||
ta dharmānvayadhīpakṣyamanyo'nyaṃ darśanakṣaṇau|
śrāvako vetti khaṅgastrīn sarvānbuddho'prayogataḥ||6||
kṣayajñānaṃ hi satyeṣu parijñātādiniścayaḥ|
na parijñeyamityādiranutpādamatirmatā||7||
svabhāvapratipakṣābhyāmākārākāragocarāt|
prayogakṛtakṛtyatvahetūpacayato daśa||8||
dharmajñānanirodhe yanmārge vā bhāvanāpathe|
tridhātupratipakṣastat kāmadhāto'stu nānvayam||9||
dharmajñānānvayajñānaṃ ṣoḍaśākāram anyathā|
tathā ca sāṃvṛtaṃ svaiḥ svaiḥ satyākāraiścatuṣṭayam||10||
tathā paramanojñānaṃ nirmalaṃ samalaṃ punaḥ|
jñeyasvalakṣaṇākāraṃ ekaikadravyagocaram||11||
śeṣe caturdaśākāre śūnyānātmavivarjite|
nāmalaḥ ṣoḍaśabhyo'nya ākāraḥ anye'sti śāstrataḥ||12||
dravyataḥ ṣoḍaśākārāḥ prajñākāraḥ tayā saha|
ākārayanti sālambāḥ sarvamākāryate tu sat||13||
tridhādyaṃ kuśalānyanyāni ādyaṃ sarvāsu bhūmiṣu|
dharmākhyaṃ ṣaṭsu navasu tvanvayākhyaṃ tathaiva ṣaṭ||14||
dhyāneṣvanyamanojñānaṃ kāmarūpāśrayaṃ ca tat|
kāmāśrayaṃ tu dharmākhyam anyattraidhātukāśrayam||15||
smṛtyupasthānamekaṃ dhīrnirodhe paracittadhīḥ|
trīṇi catvāri śeṣāṇi dharmadhīgocaro nava||16||
nava mārgānvayadhiyoḥ duḥkhahetudhiyordvayam|
caturṇāṃ daśa naikasya yojyā dharmāḥ punardaśa ||17||
traidhātukāmalā dharmā akṛtāśca dvidhā dvidhā|
sāṃvṛtaṃ svakalāpānyadekaṃ vidyādanātmataḥ||18||
ekajñānānvito rāgī prathame'nāsravakṣaṇe|
dvitīye tribhiḥ ūrdhvastu caturṣvekaikavṛddhimān||19||
yathotpannāni bhāvyante kṣāntijñānāni darśane|
anāgatāni tatraiva sāṃvṛtaṃ cānvayatraye||20||
ato'bhisamayāntyākhyaṃ tadānutpattidharmakam|
svādhobhūmi nirodhe'ntyaṃ svasatyākāraṃ yātnikam||21||
ṣoḍaśe ṣaṭ sarāgasya vītarāgasya sapta tu|
sarāgabhāvanā mārge tadūrdhvaṃ saptabhāvanā ||22||
saptabhūmijayā'bhijñākopyāptyākīrṇabhāvite
ānantaryapatheṣūrdhvaṃ muktimārgāṣṭake'pi ca||23||
śaikṣottāpanamuktau vā ṣaṭ saptajñānabhāvanā|
ānantaryapathe ṣaṇṇāṃ bhavāgravijaye tathā||24||
navānāṃ tu kṣayajñāne akopyasya daśa bhāvanā|
tatsaṃcare'ntyamuktau ca proktaśeṣe'ṣṭabhāvanā||25||
yadvairāgyāya yallābhastatra cādhaśca bhāvyate|
sāsravāśca kṣayajñāne labdhapūrvaṃ na bhāvyate||26||
pratilambhaniṣevākhye śubhasaṃskṛtabhāvane|
pratipakṣavinirdhāvabhāvane sāsravasya tu||27||
aṣṭādaśāveṇikāstu buddhadharmā balādayaḥ|
sthānāsthāne daśa jñānāni aṣṭau karmaphale nava||28||
dhyānādyakṣādhimokṣeṣu dhātau ca pratipatsu tu|
daśa vā saṃvṛtijñānaṃ dvayoḥ ṣaṭ daśa vā kṣaye||29||
prāṅinavisacyutotpādabaladhyāneṣu śeṣitam|
sarvabhūmiṣu kenāsya balamavyāhataṃ yataḥ||30||
nārāyaṇabalaṃ kāye saṃdhiṣvanye daśādhikam|
hastyādisaptakabalam spraṣṭavyāyatanaṃ ca tat||31||
vaiśāradyaṃ caturdhā tu yathādyadaśame bale|
dvitīyasaptame caiva smṛtiprajñātmakaṃ trayam||32||
mahākṛpā saṃvṛtidhīḥ saṃbhārākāragocaraiḥ|
samatvādādhimātryācca nānākaraṇamaṣṭadhā||33||
saṃbhāradharmakāyābhyāṃ jagataścārthacaryayā|
samatā sarvabuddhānāṃ nāyurjātipramāṇataḥ||34||
śiṣyasādhāraṇā anye dharmāḥ kecit pṛthagjanaiḥ|
araṇāpraṇidhijñānapratisaṃvidguṇādayaḥ||35||
saṃvṛtijñānamaraṇā dhyāne'ntye akopyadharmaṇaḥ|
nṛjā anutpannakāmāptasavastukleśagocarāḥ||36||
tathaiva praṇidhijñānaṃ sarvālambaṃ tu tat tathā|
dharmārthayorniruktau ca pratibhāne ca saṃvidaḥ||37||
tisro nāmāthavāgjñānamavivartyaṃ yathākramam|
caturthīyuktamuktābhilāpamārgavaśitvayoḥ||38||
vāṅmārgālambanā cāsau nava jñānāni sarvabhūḥ|
daśa ṣaḍvā'rthasaṃvit sā sarvatra anye tu sāṃvṛtam||39||
kāmadhyāneṣu dharme vit vāci prathamakāmayoḥ|
vikalābhirna tallābhī ṣaḍete prāntakoṭikāḥ||40||
tatṣaḍ vidhaṃ sarvabhūmyanulomitam|
vṛddhikāṣṭhāgataṃ tacca buddhānyasya prayogajāḥ||41||
ṛddhiśrotramanaḥpūrvajanmacyutyudayakṣaye|
jñāta sākṣīkriyā'bhijñā ṣaḍ vidhā muktimārgadhīḥ||42||
catasraḥ saṃvṛtijñānaṃ cetasi jñānapañcakam|
kṣayābhijñā balaṃ yadvat pañca dhyānacatuṣṭaye||43||
svādhobhūviṣayāḥ labhyā ucitāstu virāgataḥ|
tṛtīyā trīpyupasthānāni ādyaṃ śrotraddhircakṣuṣi||44||
avyākṛte śrotracakṣurabhijñe itarāḥ śubhāḥ|
tisro vidyāḥ avidyāyāḥ pūrvāntādau nivarttanāt||45||
aśaikṣyantyā tadākhye dve tatsaṃtānamudbhavāt|
iṣṭe śaikṣasya nokte tu vidye sāvidyasaṃtateḥ||46||
ādyā tṛtīyā ṣaṣṭhī ca prātihāryāṇi śāsanam|
agyram avyabhicāritvāddhiteṣṭaphalayojanāt||47||
ṛddhiḥ samādhiḥ gamanaṃ nirmāṇaṃ ca gatistridhā|
śāsturmanojavā anyeṣāṃ vāhinyapyādhimokṣikī||48||
kāmāptaṃ nirmitaṃ bāhyaṃ caturāyatanaṃ dvidhā|
rūpāptaṃ dve tu nirmāṇacittaistāni caturdaśa||49||
yathākramaṃ dhyānaphalaṃ dve yāvat pañca nordhvajam|
tallābho dhyānavat śuddhāttatsvataśca tato'pi te||50||
svabhūmikena nirmāṇaṃ bhāṣaṇaṃ tvadhareṇa ca|
nirmātraiva sahāśāstuḥ adhiṣṭhāyānyavarttanāt||51||
mṛtasyāpyastyadhiṣṭhānaṃ nāsthirasya apare tu na|
ādāvekamanekena jitāyāṃ tu viparyayāt||52||
avyākṛtaṃ bhāvanājaṃ trividhaṃ tūpapattijam|
ṛddhirmantrauṣadhābhyāṃ ca karmajā ceti pañcadhā||53||
divyaśrotrākṣiṇī rūpaprasādau dhyānabhūmikau|
sabhāgāvikale nityaṃ dūrasūkṣmādigocare||54||
durasthamāvṛtaṃ sūkṣmaṃ sarvataśca na paśyati|
māṃsacakṣuryato rūpamato divyaṃ dṛgiṣyate||
dvitrisāhasrakāsaṃkhyadṛśo'rhatkhaḍgadaiśikāḥ|
anyadapyupapattyāptaṃ taddṛśyo nāntarībhavaḥ||55||
cetojñānaṃ tu tattredhā tarkavidyākṛtaṃ ca yat|
jānate nārakā ādau nṛṇāṃ notpattilabhikam||56||
|'bhidharmakośe jñānanirdeśo nāma saptamaṃ kośasthānam||